ЖАШ ПИФАГОРЛОР ТЕХНИКА ДҮЙНӨСҮНДӨ
- 28.04.2020
- 0
УРМАТТУУ 3-8-КЛАССТАРДЫН МАТЕМАТИКА МУГАЛИМДЕРИ, АТА-ЭНЕЛЕР ЖАНА БАЛДАР!
2020-жылдын 25-апрелинде Кыргыз Республикасынын Билим берүү жана илим министрлиги жана «Алтын түйүн» Балдардын республикалык инженердик-техникалык академиясы тарабынан өткөрүлүүчү «Жаш пифагорлор техника дүйнөсүндө» Республикалык математика боюнча олимпиаданын биринчи туру аяктады. Бул Кыргызстандын окуучулары арасында математика боюнча өткөрүлүүчү ачык таймаш, ал үч жаш курактык категория боюнча: 3-4-, 5-6- жана 7-8-класстардын окуучулары арасында кыргыз жана орус тилдеринде өткөрүлөт.
2020-2021-окуу жылында «Жаш пифагорлор техника дүйнөсүндө» РМО үч этапты камтыйт: аралыктан өтүүчү, аймактык жана жыйынтыктоочу. Ушул окуу жылынан тарта олимпиада жаңы форматта өтүп баштады – биринчи жана экинчи турлар онлайн тестирлөө түрүндө сырттан өткөрүлсө, ал эми үчүнчү туру – өздөрүнүн жеке келип катышуусунда болот.
Биринчи этапта олимпиаданын катышуучуларына он суроодон турган онлайн тест сунушталган. Тапшырмалардын тематикасы математикалык билимдердин ар кыл тармагын камтыган. Тестти аткарууга бир саат берилген.
РМО биринчи турунда Кыргыз Республикасынын бардык аймактарынан 1876 окуучу катышты.
№ | Аймагы | 3-4 | 5-6 | 7-8 | ЖЫЙЫНТЫГЫ |
и/п | |||||
1. | Бишкек ш. | 102 | 111 | 76 | 289 |
2. | Ош ш. | 173 | 95 | 43 | 311 |
3. | Чүй областы | 69 | 73 | 51 | 193 |
4. | Ош областы | 59 | 48 | 26 | 133 |
5. | Ысык-Көл областы | 68 | 113 | 50 | 231 |
6. | Жалал-Абад областы | 108 | 116 | 89 | 313 |
7. | Нарын областы | 61 | 83 | 81 | 225 |
8. | Баткен областы | 28 | 67 | 59 | 154 |
9. | Талас областы | 3 | 5 | 17 | 25 |
Бардыгы болуп: | 671 | 711 | 492 | 1876 |
РМО биринчи турунда эң көп топтогон балл — 22 баллды түздү. Бул этаптын катышуучулары арасында жаш курактык топтордун айкашында баллдарды бөлүштүрүү төмөнкүдөй:
Жаш курактык тобу | БАЛЛЫ | 13 | 12 | 11 | 10 | 9 | 8 | 7 |
Бардыгы болуп | ||||||||
3-4-класстар | 671 | 446 | 470 | 495 | 520 | 538 | 567 | 579 |
5-6-класстар | 711 | 304 | 346 | 385 | 421 | 462 | 500 | 547 |
7-8-класстар | 492 | 200 | 223 | 246 | 281 | 300 | 321 | 349 |
Жыйынтыгы: | 1876 | 950 | 1039 | 1126 | 1222 | 1300 | 1388 | 1475 |
Катышуучулардын топтогон баллдары жөнүндө кеңири маалымат олимпиаданын https://rmo.rdita.kg сайтында «Жыйынтыгы/ Результаты» бөлүгүндө. Ушул эле жерден РМО «Жаш пифагорлор техника дүйнөсүндө» экинчи туруна өткөн окуучулардын тизмесин кароого болот.
Олимпиаданын экинчи, аймактык туруна өтүү үчүн эң аз топтогон балл — 9 балл.
«Жаш пифагорлор техника дүйнөсүндө» Республикалык математика боюнча олимпиаданын аймактык туру компьютердик тестирлөө түрүндө онлайн режиминде ушул жылдын 12-майынан 25-май аралыгында болот. Катышкандыгы үчүн балдарга ыраазычылык билдиребиз жана жарым финалисттердин бардыгына ийгилик каалайбыз!
Ж.Б. Бапанова, «Алтын түйүн» БРИТАнын директору
Комментарийлер