ОШТУНУН ЭЛ АРАЛЫК КОНФЕРЕНЦИЯДАГЫ ИЙГИЛИКТЕРИ

Ош технологиялык университетинин айыл чарба азыктарын кайра иштетүүнүн технологиясы кафедрасынын студенттери, магистранттары жана магистрлери эл аралык илимий-практикалык конференцияга катышып, ийгилик жаратты.

Университеттин басма сөз кызматы билдиргендей, Россия Федерациясынын И.С.Тургенев атындагы Орел мамлекеттик университети уюштурган эл аралык илимий-практикалык конференцияга катышкан Шерова Айзат, Чынтураева Каныкей, Маматиса кызы Гулиза жана Адылмырза кызы Арууке үчүн “Биотехнологиянын горизонттору” аталышындагы конференциянын жыйынтыгы ийгиликтүү болду.

Тагыраак айтканда, илимий-практикалык конференциянын жыйынтыгында ОшТУнун жаш окумуштуулары илимий изилдөө сынагынын негизги жеңүүчүлөрү деп табылды. Конференциянын уюштуруучулары жана жеңүүчүлөрдү аныктоо комиссиясы ОшТУдан барган катышуучулардын илимий иштерине эң жогору бааларын беришти.