ОШ ШААРЫНЫН МЕКТЕП ОКУУЧУЛАРЫНЫН ОЛИМПИАДАСЫ БАШТАЛДЫ

  • 09.01.2018
  • 0
ОШ ШААРЫНЫН МЕКТЕП ОКУУЧУЛАРЫНЫН ОЛИМПИАДАСЫ БАШТАЛДЫ

Ош шаарындагы мектеп окуучулары арасындагы предметтик олимпиада кечээ Ош технологиялык университетинде башталды. Бул тууралуу окуу жайдын басма сөз кызматы билдирди.

Окуу жай олимпиаданын ачык-айкын,  таза жана жогорку деңгээлде өтүшүн колго алып, тийиштүү шартты түзүп берүүдө. Ар бир предмет боюнча сынактын жыйынтыгы ОшТУнун маалымат жана инновациялык бөлүмү тарабынан он-лайн режиминде чоң экрандар аркылуу көрсөтүлүп турат. Мындан сырткары олимпиадага келген окуучулар университеттин материалдык-техникалык базасы менен таанышып чыгышып, Маданий-эстетикалык борбору тарабынан уюшулган концерттик программага күбө болушту.  Окуучулардын сынагы бир жумага уланып, жеңишке жетишкендер олимпиаданын кийинки турунда ат салышууга мүмкүнчүлүк алышат.

Бөлүшүү

Комментарийлер