ОКУТУУЧУЛАР “ТИЛ ҮЙРѲТҮҮ ЫКМАЛАРЫ” БОЮНЧА БИЛИМ АЛЫШТЫ

Кыргыз-Түрк  “Манас” университетинен келген окутуучулар 31-январдан 2-февралга чейин ОшМУдагы кыргыз тили жана адабияты, англис тили, орус тили предметинин окутуучуларын тилди деңгээлдеп окутуу ыкмаларын үйрөтүү багытындагы окуу курсунан өткөрүштү.

Сертификаттарды тапшыруу аземинде ОшМУнун мамлекеттик тил жана социалдык иштер боюнча проректору Мастурахан Шарипова Кыргыз-Түрк “Манас” университетинин чет тилдер жогорку мектебинин мүдүрүнүн орун басары Салия Вайсканова, Чет тилдер жогорку мектебинин окутуучулары  Венера Туратбек кызы, Кыял Токтоналиева, Айгүл Элебаева, Айжан Бакалова, Айзада Сакеловага  ОшМУнун ыраазычылык барагын тапшырды.

Иш-чаранын жүрүшүндө семинардын катышуучуларына сертификаттар берилди. Эки окуу жайдын ортосунда мында ары да билим берүү, илим, коомдук, маданий багыттардагы кызматташтыктар уланары айтылды.

Окуу курсун Кыргыз филологиясы жана журналистика факультетинипн №1 факультеттер аралык кыргыз тили жана адабиятынын практикалык курсу кафедрасы уюштурган.

ОшМУ менен Кыргыз-Түрк “Манас” университети 2021-жылдын 7-июнунда эки тараптуу кызматташуу багытында кол койгон.