НООКЕНДЕГИ ЖАҢЫ АЧЫЛГАН БАЛА БАКЧАЛАР

2018-2019-окуу жылында Жалал-Абад облусунун Ноокен районунда жаңы бала бакчаларды ачуу боюнча бир топ алгылыктуу иштер жүргүзүлдү.

Шайдан айыл өкмөтүнө караштуу №7 «Ак-Тилек» балдар бакчасында жергиликтүү бюджеттин эсебинен 700 миң сом бөлүнүп, ага 110 орунга ылайыкташтырылган кошумча 4 тайпа ишке киргизилип, оңдоп-түзөөдөн өттү.

Момбеков айыл өкмөтүндөгү №22 «Гүлкайыр» бала бакчасында ушул эле айылдын тургуну, жеке ишкер М.Алиев тарабынан 5 миллион 500 миң сомго 60 орундуу кошумча имарат салынып берилди. Бүгүнкү күндө бала бакчада 55 бөбөк тарбияланууда.

Бүргөндү айыл өкмөтүнө караштуу Ношкен айылында райондук экономиканы өнүктүрүү фондунун эсебинен 5 миллион 262 миң 263 сомго 60 орундуу бала бакча, Бүргөндү айылында 6 миллион 688 миң сомго 60 орундуу бала бакчанын имараты ишке берилди.

Ал эми Масы айылында «Ал-Ас-Салам Кувейт» кайрымдуулук фонду тарабынан 28 млн 500 миң сомго 75 орундуу бала бакча салынып, пайдаланууга берилди. Анда азыркы учурда 14 кызматкер иштеп, 80 бала тарбияланууда.

Учурда Арал айыл өкмөтүндөгү №29 «Иса агай» бала бакчасынын жаңы имараты ишке берилип жатат. Ал 15 млн 800 миң сомго курулду.

Бүгүнкү күндө Ноокен районунда жалпы 51 мектепке чейинки билим берүүчү мекеме бар, аларда 5 489 бала тарбияланууда. Былтыркы жылы балдарды камтуу көрсөткүчү 40 % түзгөн болсо, 2018-2019-жылга карата балдарды камтуу көрсөткүчү 43% га жетти.

 Ү. Шамаматова, Ноокен рай БББнүн мектепке чейинки  мекемелер боюнча адиси