МИНИСТР БЕЙШЕНАЛИЕВ УЛУТТУК ИННОВАЦИЯЛЫК МЕКТЕП-ЛИЦЕЙИНЕ БАРДЫ

Өткөн жумада Билим берүү жана илим министри Алмазбек Бейшеналиев Бишкек шаарындагы профессор А. Молдокулов атындагы Улуттук инновациялык мектеп-лицейине барды.

Министр мугалимдердин онлайн сабактарды өтүүдөгү жетишкендиктери менен жакындан таанышты. Ошондой эле мугалимдер менен кеңири пикир алышып, заманбап билимдин маселелери, алдыдагы максаттар туурасында аңгемелешти.

Ал эми мектеп-лицейинин директору Муратбек Касымалиев кандай этаптар менен санариптик технологияны окуу процессине киргизишкендиги туурасында маалымат берди.

Мындан сырткары министр мектептин музейинде болуп, тарыхый маанидеги китепчесинде өзүнүн кол жазмасын калтырды.