МИНИСТР ДОГДУРКҮЛ КЕНДИРБАЕВА БАЛДАРДЫН КООПСУЗДУГУ БОЮНЧА ЖЫЙЫН ӨТКӨРДҮ

10-майда Билим берүү жана илим министри Догдуркүл Кендирбаева жана министрдин орун басары Муратбек Касымалиев райондук, шаардык билим берүү бөлүм\башкармалыктарынын жетекчилери менен онлайн жыйын өткөрдү.

Жыйында министр ар кандай иш-чараларды билим берүү уюмдарынын аймагында гана өткөрүүнү жана балдардын коопсуздугуна өзгөчө көңүл буруу керектигин айтты.

Ошондой эле Догдуркүл Кендирбаева башкармалык башчыларына 12 жылдыкка өтүү боюнча пландарын иштеп чыгууну, ар кандай акча жыйноолорду токтотууну, мектепке чейинки билим берүүнү 40% жеткирүү боюнча иштерди алып барууну, “Акыркы коңгуроо” салтанатында жана “Алтын тамга”, Жалпы республикалык тесттерин өткөрүүдө коопсуздукту кароону тапшырды.