“МАНАС” ЭПОСУ БӨБӨКТӨРДҮН КЫЗЫГУУСУН ОЙГОТУП, СӨЗ БАЙЛЫГЫН ӨСТҮРӨТ

Жалал-Абад облусунун Тогуз-Торо районунун Казарман айылындагы Жаңылмырза мектепке чейинки билим берүү уюмунда 4-декабрь «Манас» эпосунун күнүнө карата  иш-чаралар планы түзүлүп, бекитилген. Бала бакчада атайын тайпаларда “Манас” бурчу уюшулган.

Тогуз-Торо райондук билим берүү бөлүмүнүн башчысы Б.Талайбековдун берген маалыматына таянсак,  балдарды айкөлдүккө, ынтымактуулукка, Ата Мекенди сүйүүгө тарбиялап, «Манас» эпосуна балдардын кызыгуусун ойготуп, сөз байлыктарын байытып,  эпос аркылуу элдин үрп-адаты, каада-салты менен тааныштырууну, ыймандуулукка, патриоттуулукка чакырып, балдарды руханий жана адеп-ахлактык баалуулуктарга үйрөтүү максатында ар бир тайпаларда көрсөтмөлүү ачык сабактар жана адабий кече өткөрүлдү.

Г.А., “КБ”