КЫРГЫЗСТАНДЫН ФУТБОЛ КУРАМА КОМАНДАСЫ ФИФАНЫН РЕЙТИНГИНДЕ 97-ОРУНДУ ЭЭЛЕДИ

Кыргызстандын футбол курама командасы ФИФАнын жаңыланган рейтингинде 97-орунду ээлеп, мурдагы ордун сактап калды. Бул тууралуу Кыргызстандын футбол бирикмесинен билдиришти.

Маалыматка ылайык, Рейтингге жалпы 208 курама команда кирген. Анын сап башында Аргентина, Франция, Бразилия турат.

Кыргызстан келерки жылы Катарда өтө турган Азия кубогунда ойнойт. Аталган мелдеште Кыргызстан Сауд Арабия, Оман жана Таиланд менен «F» тайпасына жайгашкан. Бул тайпада «ак шумкарлар» рейтингге ылайык, үчүнчү күчтүү команда болуп саналат:

• Сауд Арабиясы — 54-орун
• Оман — 73-орун
• Кыргызстан 97-орун
• Таиланд — 113-орун