КЕСИПТИК БИЛИМ: ОКУУЧУЛАР 83 МЛН СОМДОН АШЫК КАРАЖАТ ТАБЫШТЫ

Өлко боюнча 93 кесиптик кесиптик лицей билим берсе, алардын 68 пайызы дуалдык окутуу ыкмасын ишке ашырууда. Тагыраагы, 71 лицей 170 ишкана менен кызматташып, 5000ден ашык окуучу практика өтүүдө. 2024-жылы алар биргелешип 83 млн сомдон ашык каражат табышкан. Бул тууралуу бүгүн, 10-июнда өткөн маалымат жыйында агартуу министринин орун басары Надира Джусупбекова билдирди.

Ошондой эле министрдин орун басары кесиптик лицейлердин бүтүрүүчүлөрүнүн 67% жумушка кабыл алынса, дагы 15% ишкерлик менен алектенерин белгиледи.

Учурда кесиптик билим берүү уюмдарында 26 миң окуучу билим алат. Алардын 16 500ү 2024-2025-окуу жылында 1-курска кабыл алынгандар.
93 кесиптик лицей 120дан ашык адистик боюнча окуучуларга билим берет.

Айгерим Токтобаева, «Кут Билим»