Азия оюндары: Нурзат Нуртаева финалга чыкты

Кыргызстандык балбан кыз Нурзат Нуртаева (68 кг) Кытайда өтүп жаткан Азия оюндарынын финалына чыкты.

Бүгүн, 6-октябрда таймашты баштаган Нуртаева чейрек финалдагы биринчи беттешинде казакстандык Елена Шалыгина менен күч сынашып, аны 8:7 эсебинде утту.

Андан кийин жарым финалда ал монголиялык Делгермаа Энкхсайкханды 10:8 эсебинде жеңди.

Финалда Нуртаева кытайлык Фең Жоу менен беттешет.

Эскерте кетсек, Нурзат Нуртаев бул Азия оюндарына жакында Сербиядагы дүйнө чемпионатында жаракат алып калган Мээрим Жуманазарованын ордуна катышып жатат.