АТА-ЭНЕ МЕНЕН МЕКТЕП КАНДАЙ ИШТЕШИ КЕРЕК?

Ар чейректе мектеп ата энелерди чакырып, ар бир предметтен окуткан мугалим менен конструктивдүү диалог уюштурат.

Профессор Дүйшөн Шаматовдун ФБдагы өз баракчасына жазган маалыматына таянсак, мугалим ар бир ата-энеге 5-10 минута бөлүп, алардын баласы кантип окуп жатат, кандай жетишкендиктери бар, жана кантип дагы алдыга жылса болот деген нукта айтып берет.

— Жалпы ата-энелер чогулушта бирөөнү урушуп, бирөөнү ашкерелеп, бирөөнү мактоо өзү туура эмес. Ата же энелер кезек менен орун алмашып, ар бир мугалим менен жолугуп, суроо берип, каалаган маалыматты алат. Жыйынтыгында ата-эне жана мугалим /мектеп өнөктөш мамиле кура алат. Бул дүйнөлүк алдыңкы тажрыйба жөнүндө мурда да жазган элем. Казыбек, Мелисбек жана Кыялбек деген мыкты мектеп жетекчилери дароо өздөрүнө ыңгайлаштырып, керектүү жагын алып, иштеп жатышыптыр, — дейт профессор.

Гүлнара АЛЫБАЕВА, “Кут Билим”