АТ-БАШЫ: «АЛТЫН КАЗЫК» БРЕНДИНДЕГИ НОУТБУКТАР МЕНЕН САБАКТАР ӨТҮЛДҮ

Ат-Башы районунун бардык жалпы билим берүүчү мекемелеринде жана мектепке чейинки билим берүү уюмдарында Билим күнү белгиленди.

Биринчи класстын окуучулары үчүн көптөн күткөн биринчи коңгуроо кагылып, алардын ата-энелери балдарынын алгачкы сабагына кубануу менен күбө болушту. Район боюнча 11327 окуучу, 1-класска 860, 2-класска 1021 окуучу кирди 12 жылдык билим берүүнүн алгачкы окуучулары. Ал эми мектепке чейинки билим берүү уюмуна 2283 бөбөк келди.

Ат-Башы райондук билим берүү бөлүмүнө август айында жалпы 217 даана ноутбуктар берилди. Райондогу 20 орто мектептин СТЕМ предметтеринин мугалимдерине таратылып берилсе,  сентябрь айында англис тили мугалимдери үчүн 67 даана ноутбуктар келип, бүгүнкү күндө таратылып берилди. Жалпы 274 тү түзөт. Баардык мугалим санарип кампа, электрондук күндөлүк ж.б. платформаларын колдонуп жатышат.

Мектептерде STEM багытындагы мугалимдер ата мекендик «Алтын Казык» брендиндеги ноутбуктар менен сабактар өтүлүүдө.

Гүлнара АЛЫБАЕВА, “Кут Билим”