Ырыс алды — ынтымак

 Адабий окуу

Сабактын максаты: 1.Билим берүүчүлүк: Окуучулар «Ырыс алды — ынтымак» жомогу менен таанышат жана ынтымактын маанисин кеңири түшүнүп билишет.

2.Өнүктүрүүчүлүк: Окуучулар жомокту шар, көркөм окуп беришет. Ой жүгүртүүсү өнүгүп, сөз байлыгы артат, суроолор аркылуу айтып берип, ойлорун бекемдешет.

3.Тарбия берүүчүлүк: Ынтымакты үй-бүлөдө, мектепте, досторунун арасында сактоого үйрөнүшөт. Таза, тыкан болууга тарбияланышат.

Көрсөткүчтөр: *Эгерде окуучулар ынтымактын маанисин билишсе; Ынтымак жөнүндө өз ойлорун айта алышса; * Китептен жомокту шар окуй алышса; * Окуган тексттин үстүндө эркин ой жүгүртө алышса; * Класста өзүн ынтымактуу, таза алып жүрүшсө.

Сабактын тиби: Интерактивдүү-санарип сабак.

Сабактын жабдылышы: Окуу китеби, таркатма материалдар, плакат, тех.каражат (ноутбук, проектор) ж.б

Сабакта колдонулуучу стратегиялар: 1.Бекеттер  2.Интерактивдүү окуу 3.РАФТ

Сабактын жүрүшү. Уюштуруу:

Саламдашуу, жагымдуу маанай түзүү: “Салам алейкум”ыры

Алтын эреже:  

-Мугалим:                                   — Окуучу:         

-Күндөй?                                    -жылмайып

-Аарыдай?                                 -ызылдабай

-Короздой?                               -кыйкырбай

-Ташбакадай?                          -кыбырабай

-Коендой?                                 -секирбей

-Кулагыбыз менен?                — угуп

-Кол көтөрүп?                           -жооп берип

-Кумурскадай?                         -иштейбиз

1. Өтүлгөндү кайталоо, үй тапшырма: WORDWALL платформасында суроо-жооп викторинасы
2. Жаңы темага өбөлгө түзүү:

“Бекеттер” стратегиясын пайдалануу менен мээге чабуул жасоо: Окуучулар кичи топтордо иштешет. Бир жерден экинчи жерге отүп тапшырмаларды аткарышат.

“Сөздөрдү туура жайгаштыр” LEARNINGAPPS платформасында көнүгүү:

Сөздөрдү туура жайгаштырып, маанисин чечмелешет.

Сабактын максаты, көрсөткүчү менен тааныштыруу.  

“Ырыс алды ынтымак” жомогу. Жомокту экрандан көрүшөт (видео). Жомокту интерактивдүү окуп берүү: Кунт коюп угушат. Чынжырча окушат.

3. Практика: Ролдоштуруу:  Жомокту ролдоштуруп аткарышат.  “Билим” лотереясы  (Суроолорго жооп берип, “Күтүлбөгөн сыйлык” алышат)

Эс алуу мүнөтү: “Виноватая тучка” ырына нейро-кыймыл.

4. Бышыктоо: “РАФТ” таблицасы:

Р- Ролду аныктоо үчүн берилген теманы ким ачып бере тургандыгын табуу керек.

А- Бул жомок кимге арналгандыгын тактоо.

Ф- Жанрды, баяндоонун формасын тандоо.

Т-  Теманы тандоо, жомок эмне жөнүндө болот, анда кайсы негизги идеялар ачылат

5. Жыйынтыктоо: 

—Бүгүнкү сабак жактыбы?

-Сабактан эмнени түшүнүп, биле алдыңар?

-Бүгүнкү сабактан өзгөчө эмне эсиңде калды?

Окуучулар:

• Көп нерсени үйрөндүк
• Адабий окуу сабактан
• Буюрса эми арылам
• Үйрөнгөн жаман адаттан
• Улууларды урматтап
• Карыларды барктаймын
• Уят болуп калбашка
• Эч качан чыр салбаймын

6. Баалоо: Өзүн-өзү баалоо баракчасы таркатылат.

Кадырбай кызы Гулзат, Тогуз-Торо районунун №6 Бирдик жалпы билим берүүчү орто мектебинин башталгыч класстар мугалими