ТАЛАСТА ОКУУЧУЛАР ҮЧҮН АРТ-ЛАГЕРЬ УЮШУЛДУ

Швейцариянын Кыргызстандагы элчилигинин колдоосу менен «Роза Отунбаеванын демилгеси» эл аралык фонду уюштурган арт-лагерь Таласта старт алды.

Фонддун берген  маалыматы боюнча, арт-лагерге Талас облусунан 150 бала жана Көркөм сүрөт академиясынын алдындагы Көркөм сүрөт мектептеринен 30 окуучу катышты. Арт-лагердин иши: бий, вокал, гончардык өнөр, дизайн/колдонмо өнөр, кино жана драма, живопись жана кулинардык өнөр боюнча 8 арт-классты камтыйт.

Арт-лагерь иштеген убакыттын ичинде балдар өнөрдүн ар кандай түрлөрү жөнүндө түшүнүк алып, базалык ыкмаларга үйрөнө алышты.

Бул Талас облусунда балдар үчүн өткөрүлгөн биринчи арт-лагерь. Уюштуруучулар балдарды көркөм өнөргө аралаштыруу менен аларга шыктанууну берип, көркөм өнөрдүн ар кыл түрлөрү жөнүндө алардын түшүнүгүн кеңейтип, өспүрүмдөрдүн кылмыштуулугунун алдын алат деп үмүттөнүшөт.

Гүлнара Алыбаева, “Кут Билим”