САНАРИПТИК САБАТТУУЛУК ТРЕНИНГИ

Ош шаарында информатика мугалимдер 72 сааттык программа боюнча окуудан өтүп жатат. Бул тууралуу Ош билим берүү институтунун кызматкери, аталган тренингдин катышуучусу Тынчтыкбек Досмуратов билдирди.

18-мартка чейин өтө турган тренинг “Санариптик сабаттуулук” программасы боюнча машыктыруучулар (тренерлер) үчүн уюштурулуп, ага Баткен, Жалал-Абад, Ош облусунун жана Ош шаарынын мугалимдери катышууда.

Алдыда бул окутуунун жыйынтыгында даярдалган тренерлер “Келечек үчүн билим берүү” долбооруна кирген мектептердин мугалимдерин санариптик сабаттуулук боюнча окутушмакчы.

Тренинг “Келечек үчүн билим берүү” долбоорунун алкагында уюштурулган.