ОШТО САНАРИП МУГАЛИМДЕРДИН СЫНАКТАРЫ ЖЫЙЫНТЫКТАЛДЫ

Ош билим берүү институту тарабынан Ош облусундагы мугалимдер жана жетекчилер арасында аралыктан өткөн “Учурдун мыкты санарип мугалими – 2020”, “Учурдун мыкты санарип жетекчиси — 2020” сынактары жыйынтыкталды. Бул тууралуу Ош билим берүү институтунун директору Турдубаева Гульмира кабарлады.

Сынактын негизги максаты облустагы учур талабына ылайык иш-аракеттерди жүргүзүү менен маалыматтык технологияларды колдонуу боюнча тажрыйбалуу мугалимдерди жана жетекчилерди табууга, мыкты тажрыйбалардын базасын түзүүгө багытталган.

— Учурдун талабына ылайык, педагогикалык кызматкерлердин медиа сабаттуулугун арттыруу — келечектеги жаш муундарга татыктуу билим берүүдөгү мыкты кадам болуп саналат. Ошондуктан сынакка түшкөн алдыўкы усулдук эмгектерди институттун инновациялык процесстерди уюштуруу кабинетинде база түзүү менен кафедралар тарабынан изилденип, облустагы жалпы билим берүү мекемелерине алдыўкы педагогикалык тажрыйба катары жайылтылат, — дейт Г.Турдубаева.

Сынакта катышуучулардын презентациясы, жазма материалдары, сабак өтүү чеберчилиги, берилген тапшырмаларга жооп берүүсү эксперттик кеўеш тарабынан каралып, баалоо аралыктан жүргүзүлдү.

Жыйынтыгында төмөндөгү мугалимдер I орунга ээ болушуп, Ош билим берүү институтунун Ардак грамотасы жана Билим, илим кызматкерлеринин кесиптик бирлигинин Ош облустук комитетинин диплому жана баалуу сыйлыктары менен сыйланат. Сыйлоо аземи жакынкы күндөрү уюштурулат.