НАРЫНДА ТАРБИЯЧЫЛАР ТАЖРЫЙБА АЛМАШЫШТЫ

Ак-Талаа районуна караштуу Кадыралы айылындагы «Кадыралы» бала бакчасында «Балдарды ар тараптан өнүктүрүүдө ата-энелердин жоопкерчилигин көтөрүү боюнча иш-аракеттер», Нарын районуна караштуу Жерге-Тал айылындагы «Ак-Тилек-Тогуз-Булак» бала бакчасында  «Балдардын дене түзүлүшүнүн калыптанышына ата-эненин кошкон салымы» деген темада семинарлар болуп өттү.

Бул иш-чараларга облустун башка райондорунун балдар бакчаларынын (жалпы 35) тарбиячылары келип катышып, тажрыйба топтоп кетишти. Семинарда балдардын ар кандай көндүмдөрүн калыптандырууга ата-энелерди жана коомчулукту тартуу, баланын дене түзүлүшүнүн калыптанышына ата-эненин кошкон салымы боюнча иш-аракеттер көргөзүлүп, талкуулар болуп, тажырыйбалар алмашылды.