Май майрамдарында окуучулар канча күн эс алат?

Майрам күндөрү окуучулар 5 күн эс алат.  Бул тууралуу Билим берүү департаментинин адиси Мээрим Халиалдаева билдирди.

Аптасына беш күн окуган мектептер 1-5-май күндөрү беш күн эс алышат. Бул күндөр аралыгындагы окуу процесси башка күндөргө которулат.

Тагыраагы, 2-майдын (бейшемби) ордуна 6-майда, 3-майдын ордуна 11-майда окушат (бейшемби күндүн жүгүртмөсү менен). Ал эми 9-май майрам күн болгондуктан дем алыш болот.

Алты күндүк иш тартиби менен окуган мектептер 1, 5 жана 9-майда эс алышат.

Эмгек кодексине ылайык, Кыргызстанда май айында расмий үч майрам бар:

1-май — Эмгек майрамы;

5-май — Кыргыз Республикасынын Конституциясынын күнү;

9-май — Жеңиш күнү.

Эскерте кетсек, эгер майрам күнү дем алыш күндөргө туш келсе, кийинки иш күнү дем алыш болуп эсептелет.

Эльвира Какиева