ЭЛ АРАЛЫК ЖАШ ОКУРМАНДАР СЫНАГЫНЫН УЛУТТУК ТУРУНУН ЖЫЙЫНТЫКТАРЫ ЧЫКТЫ

14-мартта Адеми Мамашева, Арсений Андреев, Санира Мурзабекова жана Махабат Маратова “Жандуу классика” Эл аралык жаш окурмандар сынагынын Улуттук турунун финалына чыгышты.

Финалисттер республикалык турдун 9 жеңүүчүсүнөн тандалып алынды. Республикалык турга бардык облустардан 118 адам катталып, алардын ичинен 54 катышуучуга катышууга уруксат берилген.

Адабий чыгармалардын үзүндүлөрүн үн чыгарып окуу боюнча сынак 2022-жылдын ноябрь айында башталган. Сынак эл аралык кызматташтыкты өнүктүрүү, чет өлкөлөрдө орус тилин колдоо, балдардын жана жаштардын адабиятка болгон кызыгуусун арттыруу максатында өткөрүлүүдө. Сынактын уюштуруучулары – Россия Федерациясынын Агартуу министрлигинин колдоосу менен “Жандуу классика” фонду, Россотрудничество жана президенттик гранттар фонду.