2022-ЖЫЛЫ ЖРТга КАТЫШУУ ҮЧҮН АКЫРКЫ МҮМКҮНЧҮЛҮК

2022-жылы Кыргызстанда Жалпы республикалык тестирлөө (ЖРТ) 24-майдан 28-майга чейин өткөрүлдү. Ар кандай себептер менен белгиленген мөөнөттө катыша албай калгандар үчүн КР ББИМ жана ББОУБ кечиктирилген тестти өткөрүлөрү жөнүндө кабарлайт.

Бул тест 24-25-июнь күндөрү Бишкек жана Ош шаарларында өтөт.

Тестке каттоо (кайрадан каттоо) 15-23-июнь күндөрү төмөнкү даректер боюнча жүргүзүлөт:

•             Бишкек шаарында — №24 мектеп-гимназиясында: Тыныстанов көч., 110;

•             Ош шаардык билим берүү бөлүмүндө (Ош шаары, Ленин көчөсү).

Эскертүү: 2022-жылы Жалпы республикалык тесттен четтетилген (дисквалификация болгон) абитуриенттердин каттоодон өтүүгө укугу жок.