СЫН АТООЧ

31.03.2026
0

Классы: 3-класс

Предмети: Кыргыз тили

Сабактын темасы: Сын атооч

Сабактын максаты: Окуучулар жаңы тема боюнча маалымат алат. Сүйлөмдөн сын атооч сөздөрдү тапканды үйрөнөт. Турмушта сын атооч сөздөрдү пайдалана билишет.

Ресурстар: Плакат, маркер, алма, жаңгак окуу китеби, проектор ж.б

Сабактын методу: 5Е моделинин негизинде

1Е Кызыктыруу 5 мүнөт

«Сыйкырдуу куржун»

Ичи көрүнбөгөн куржун жана анын ичинде ар кандай буюмдар (жумшак оюнчук, катуу таш, жылмакай кашык, быдырлуу тобурчак) салынган.

Мугалим: Куржундун ичиндеги бир буюмду кармап, (Бир окуучу көзүн жумуп) ал буюмдун атын айтпастан, колуңа кандай сезилип жатканын сүрөттөп бер. (мисалы: «Бул катуу экен, тоголок, кичине, быдырлуу экен»).

Окуучулар ойлонушуп, буюмдун формасын, көлөмүн даамын атап жатат. Ал сөздөрдүн баарына “кандай” деген суроо берилип жатат деп айтышат.

Мугалим: Азаматсыңар! Менин сүйүктүү окуучуларым! Анда бүгүнкү жаңы темабыз «Сын атооч» жөнүндө болмокчу.

СЫН АТООЧ

2Е Изилдөө

15 мүнөт1-топ «Сүрөтчүлөр»: Класстагы эң ачык түстөгү 5 буюмду таап, атын жана түсүн жазышат (мисалы: кызыл китеп, көк көйнөк).

2-топ «Ашпозчулар»: Сүрөттөр берилет (лимон, бал, туз). Алардын даамын билдирген сөздөрү жазышат.

3-топ «Дизайнерлер»: Класстагы ар кандай буюмдардын формасын, (үч бурчтук, тегерек) көлөмүн (чоң , кичине) аташат.

Ар бир топ берилген тапшырмалар боюнча изилденишип, плакатка жоопторун жазышып, чечмелеп берип, презентация жасашат.

3Е Түшүндүрүү

5 мүнөт

Мугалим: Азаматсыңар балдар! Мугалим окуучулардын изилдөөсүн толуктап, кошумчалап, маалымат берет. Окуучуларга бирден алма берип, сын атооч дарагын түзүшөт.

4Е Тереңдетүү

10 мүнөт

Ар бир топко ар түрдүү тапшырмалар берилет.

1-Топ “ Сүрөтчүлөр”: «Ооба же Жок»

«Бийик» деген сөз заттын атын билдирет. (Ооба — Жок)

«Тартиптүү» деген сөз сын атооч. (Жок — Ооба)

Сын атооч «Эмне?» деген суроого жооп берет. ( Ооба — Жок)

2-топ «Ашпозчулар»: «Карама-каршылыктар дүйнөсү»

Ак — (Кара)

Таттуу — (Ачуу)

Чоң — (Кичине)

Жакшы — (Жаман)