Өзгөчө студентке камкордук

Жаңы жыл алдында ОшМУнун ректору Кудайберди Кожобеков ден соолугунан мүмкүнчүлүгү чектелген студент Алина Азамат кызынан кабар алды.

Ректор өзгөчө студентке акыркы үлгүдөгү электрондук араба белек кылды. Алина Азамат кызы тубаса басуу мүмкүнчүлүгүнөн ажыраган. Учурда ОшМУнун индустриялдык-педагогикалык колледжинин дизайн адистигинин 2-курсунун студенти. Эми ал башка тайпалаштары менен бирге жогорку кабаттарга көтөрүлүп, бардык аудиторияларда билим алганга мүмкүнчүлүк түзүлдү.

• Буга чейин Алинага онлайн окуганга мүмкүнчүлүк берилген, окутуучулар байланышып билим берип келишкен. Буйруса, бүгүндөн баштап кадимки студенттер сыяктуу эле Алина кызыбыз да колледжге келип, бардык кабаттарга көтөрүлүп, кайсы аудитория болбосун студенттер менен чогуу билим алганга мүмкүнчүлүк түзүлөт,-деди ректор.

Алина Азамат кызы окуу жайда билим алууга келишимдик төлөмдөн толук бошотулган.

ОшМУнун бардык окуу имараттарында ден соолугунан мүмкүнчүлүгү чектелген студенттер үчүн шарттар түзүлүп, кире бериштеринде пандустар орнотулган. Имараттардын ичиндеги тепкичтер да көрүүсү начар студенттерге ыңгайлаштырылып сырдалган.