МИНИСТРЛИКТИН КЫЗМАТКЕРЛЕРИ ЖАСАЛМА ИНТЕЛЛЕКТТИ КОЛДОНУУ БОЮНЧА ОКУУДАН ӨТТҮ

23–24-август күндөрү Ысык-Көл облусунун Чок-Тал айылындагы «Санат» ден соолукту чыңдоо борборунда Кыргыз Республикасынын Агартуу министрлигинин борбордук аппаратынын кызматкерлери үчүн жасалма интеллектти колдонуу боюнча окуу өткөрүлдү.

Иш-чарага агартуу министри Догдуркүл Кендирбаева, анын орун басарлары жана министрликтин түзүмдүк бөлүмдөрүнүн кызматкерлери катышты.

Окуунун башкы максаты — билим берүү тармагында жасалма интеллектти колдонуу деңгээлин жогорулатуу, заманбап инструменттерди өздөштүрүү жана билим берүү процесстерин өркүндөтүү мүмкүнчүлүктөрүн изилдөө болуп саналат.