МИНИСТР КАНЫБЕК ИМАНАЛИЕВ ЫСЫК-КӨЛ МАМЛЕКЕТТИК УНИВЕРСИТЕТИНДЕ ЛЕКЦИЯ ОКУДУ

Билим берүү жана илим министри Каныбек Иманалиев Ысык-Көл облусуна болгон иш сапарынын алкагында К.Тыныстанов атындагы Ысык-Көл мамлекеттик университетинин ишмердүүлүгү менен таанышып, аталган окуу жайдын студенттерине лекция окуду.

Каныбек Иманалиев студенттерге окуган лекциясында билимдин маанилүүлүгү, Кыргыз иденттүүлүгүндөгү Жети-Акенин орду жана тарыхка токтолду.

“Биз ааламдашкан доордо кыргыздын улуттук иденттүүлүгүн, жүзүн, образын кантип сактап калууну ойлонушубуз керек. Билимдүү эл гана нарктуу болот. Билим берген устаттарыңарды сыйлап, билим алууга умтулгула”, — деди министр.