К.КОЛЬБАЕВ АТЫНДАГЫ БИШКЕК АВТОМОБИЛЬ-ЖОЛ КОЛЛЕДЖИ – КЕЛЕЧЕКТЕГИ АДИСТЕРДИН ТАНДООСУ

К. Кольбаев атындагы Бишкек автомобиль-жол колледжи — Кыргыз Республикасынын орто кесиптик билим берүүчү алдыңкы окуу жайларынын бири болуп саналат. Колледж транспорт, курулуш жана маалыматтык технологиялар тармагында жогорку квалификациялуу адистерди даярдайт.

Колледж бай тарыхка жана жол-транспорт тармагы үчүн кадрларды даярдоонун туруктуу салттарына ээ. Ишмердүүлүгүнүн жүрүшүндө окуу жай миңдеген адистерди даярдап, алар бүгүнкү күндө мамлекеттик жана жеке секторлордо ийгиликтүү эмгектенип келишет. Азыркы учурда колледж заманбап билим берүү технологияларын киргизип, практикага багытталган окутууга, анын ичинде дуалдык билим берүү системасына басым жасоо менен өнүгүүнү улантууда.

Колледждин өзгөчө жетишкендиктеринин бири – улуттук деңгээлде таанылышы. Аккредитация, рейтинги жана тастыктоочу көз карандысыз институту тарабынан жүргүзүлгөн рейтингдин жыйынтыгында колледж 3-орунду ээлеп, билим берүүнүн сапатынын жана адистерди даярдоонун жогорку деңгээлин тастыктады.

Билим берүү программалары

Колледж 9- жана 11-класстын бүтүрүүчүлөрүн төмөнкү адистиктер боюнча кабыл алат:

190604 – Автомобиль транспортуна техникалык тейлөө жана оңдоо (бюджет/контракт)

190701 – Транспортто ташууларды уюштуруу жана башкаруу (аба транспортунан башка)
(бюджет/контракт)

190605 – Көтөрүп-ташуучу, жол курулуш машиналарын жана жабдууларын техникалык эксплуатациялоо (бюджет/контракт)

270206 – Автомобиль жолдорун жана аэродромдорду куруу жана эксплуатациялоо
(бюджет/контракт)

190503 – Транспорттук электр жабдууларын жана автоматикасын эксплуатациялоо (контракт)

230110 – Эсептөө техникаларын жана компьютердик тармактарды техникалык тейлөө (контракт)

230111 – Компьютердик системаларда программалоо (контракт)

190702 – Автомобиль транспортунда жол кыймылынын уюштурулушу жана коопсуздугу (контракт)

230109 – Эсептөө техникасынын жана автоматташтырылган системалардын программалык камсыздоосу (контракт)

080404 – Логистикалык операциялык процесстер (контракт)

080113 – Камсыздандыруу (тармактар боюнча) (контракт)

100203 – Автоматташтырылган системалардын маалыматтык коопсуздугу (контракт)

Кабыл алуу шарттары

Абитуриенттерди кабыл алуу негизги жана орто жалпы билим берүүнүн негизинде жүргүзүлөт.

Тапшыруу үчүн төмөнкү документтер талап кылынат:

◉ Билими тууралуу аттестат же күбөлүк;

◉ Аскердик билет же каттоо күбөлүгү;

◉ 3х4 өлчөмүндөгү сүрөттөр (6 даана);

◉ Жалпы республикалык тестирлөөнүн (ЖРТ) сертификаты (11-класстын бүтүрүүчүлөрү үчүн).

Кесип тандоо — ар бир адамдын жашоосундагы эң маанилүү кадамдардын бири. Бүгүнкү күндө транспорт, жол курулушу, логистика жана маалыматтык технологиялар тармагындагы адистер өзгөчө суроо-талапка ээ. Дал ушул багыттар боюнча К.Кольбаев атындагы Бишкек автомобиль-жол колледжи жогорку деңгээлде билим берет.

Кайра даярдоо жана квалификацияны жогорулатуу борбору

К.Кольбаев атындагы Бишкек автомобиль-жол колледжи түзүмүндө жол-транспорт тармагындагы адистердин кесиптик компетенцияларын өнүктүрүүгө багытталган Кайра даярдоо жана квалификацияны жогорулатуу борбору иш алып барат.

Борбор кыска мөөнөттүү билим берүү программаларын, курстарды жана тренингдерди актуалдуу багыттар боюнча ишке ашырат. Аларга автомобиль жолдорун куруу жана эксплуатациялоо, транспортко техникалык тейлөө, логистика жана маалыматтык технологиялар кирет.

Окутуу бүтүрүүчүлөргө да, ошондой эле иштеп жаткан адистерге да багытталган болуп, алардын эмгек рыногунун заманбап талаптарына ылайыкташуу мүмкүнчүлүгүн жогорулатат жана кесиптик ишмердүүлүгүндө инновациялык чечимдерди колдонууга шарт түзөт.

Ч. Айтматова проспекти, 52

0312 59-60-88

Эл.почта: [email protected]; Веб-сайт: www. BADK.kg