«ҮЙ-БҮЛӨЛҮК ЗОМБУЛУК: СЕН, МЕН, КООМ, БИЗ ЭМНЕ КЫЛА АЛАБЫЗ?»

Ушундай аталыштагы вебинар бүгүн Онлайн Университети платформасынын Балдар жана ата-эне лабораториясы тарабынан саат 17:00до «Зомбулукка жол бербейли!» аттуу кампаниясынын алкагында өтөт.

Вебинардын спикерлери Конституциялык палатанын мурунку соту Клара Сооронкулова, психолог Айгүл Аликанова, Кыргыз-Түрк «Манас» университетинин педагогика кафедрасынын ага окутуучусу, илимдин доктору Кадиян Бообекова, Онлайн Университеттин демилгечи тобунун мүчөсү, PhD, медиа эксперт Элира Турдубаева.

Онлайн Университетинин башкы максаттарынын бири – жарандык билим берүү жана коомдук талкуулар аркылуу үй-бүлө ичиндеги жана жалпы коомдогу зомбулуктун бардык түрүнө каршы туруу жана күрөшүү.

Бул максатта Онлайн Университети платформасы Балдар жана ата-эне лабораториясын түзгөн. Учурда бул лаборатория үй-бүлө, балдар жана аялдар маселесин колго алып, бир катар вебинарларын, талкууларын уюштуруп келет.

Вебинардын шилтемеси:

https://zoom.us/j/99096809447?pwd=emM3anpKNjlLOXJWRUxFRS9HVTdXdz09

Конференциянын идентификатору: 990 9680 9447

Паролу: 314908

Онлайн Университети коомду кандай болбосун зордук-зомбулукка каршы турууга чакырат.