БАЛБАК ТҮЛӨБАЕВ БИШКЕК ШААРЫНЫН МЭРИНИН М.А. БОЛУП ДАЙЫНДАЛДЫ

Кыргыз Республикасынын Өкмөтүнүн Ысык-Көл облусундагы ыйгарым укуктуу өкүлү Түлөбаев Балбак Зарлыкович башка ишке өткөндүгүнө байланыштуу ээлеген кызмат ордунан бошотулду. Тийишелүү буйрукка Кыргыз Республикасынын Премьер-министри Садыр Жапаров кол койду. 

Премьер-министрдин башка буйругуна ылайык, Кыргыз Республикасынын Бишкек шаарынын мэри шайланганга чейин Түлөбаев Балбак Зарлыкович Бишкек шаарынын мэринин милдетин аткаруучу болуп дайындалды.