PISA-2025: ОШ ОБЛУСУНДА ЭЛ АРАЛЫК ИЗИЛДӨӨ 12-АПРЕЛГЕ ЧЕЙИН УЛАНАТ

Бүгүн, 1-апрель күнү Ош облусундагы окуучулардын билим жетишкендиктерин эл аралык баалоо программасынын (PISA — 2025) негизги изилдөөсү башталды.

Ош билим берүү институтунун директору Гүлмира Турдубаеванын берген маалыматына таянсак,  график боюнча Араван районундагы №24 Базарбай Жээналиев, Кара-Суу районундагы №14 Жусуп Турусбеков, Кара-Кулжа районундагы Ысак Жорокулов, Ноокат районундагы Кенжемат Абдылакимов атындагы “Көк-Бел” жана Чоң-Алай районундагы Хакимжан Базаров мектептери катышууда. Ал эми калган мектептерде аталган изилдөө иши Билим берүү жана илим министрилигин бекиткен графигине ылайык 12-апрелге чейин уланат.

— Изилдөөнү өткөрүү үчүн Билим берүү жана илим министрлигинен келген тийиштүү өкүлдөр, IT адистери, тестирлөөнүн администраторлорунан турган мобилдик топтор иш алып барууда. Мындан тышкары, Ош билим берүү институтунун жана райондук билим берүү бөлүмдөрүнүн жооптуу кызматкерлери да даярдык иштерине көмөк көрсөтүүдө, — дейт директор.

Гүлнара АЛЫБАЕВА, “Кут Билим”