МИНИСТР ДОГДУРКҮЛ КЕНДИРБАЕВА БАШТАГАН КЫРГЫЗ ДЕЛЕГАЦИЯСЫ КЭРдин САНАРИПТЕШТИРҮҮ ТАЖРЫЙБАСЫ МЕНЕН ТААНЫШТЫ

2024-жылдын 1-4-февралында Кыргыз Республикасынын Билим берүү жана илим министри Догдуркүл Кендирбаева жетектеген кыргыз делегациясы Кытай Эл Республикасына болгон иш сапарынын алкагында Шэньчжень шаарында болуп, анын санариптештирүү тажрыйбасы жана санариптик технологиялар рыногу менен таанышты.

Кыргыз делегациянын курамында Билим берүү жана илим министринин орун басары Лира Самыкбаева, Ош мамлекеттик университетинин ректору Кудайберди Кожобеков, И.Раззаков атындагы Кыргыз мамлекеттик техникалык университетинин ректору Мирлан Чыныбаев жана К.Карасаев атындагы Бишкек мамлекеттик университетинин проректору Гүлзат Исаматова бар.