КЕСИПТИК ЛИЦЕЙЛЕРДИН ДИРЕКТОРЛОРУНА БИР КАТАР ТАПШЫРМАЛАР БЕРИЛДИ

27-ноябрда министрдин орун басары Расул Абазбек уулу  республиканын кесиптик лицейлеринин директорлору менен онлайн жыйын өткөрдү.

Кеңешменин жүрүшүндө бир канча маселелер талкууланды жана тапшырмалар берилди.

Жыйында окуу жайларынын жетекчилери күз-кыш мезгилине даярдыктын жүрүшү тууралуу маалымат беришти. Айтылган маалымат боюнча бүгүнкү күндө башталгыч кесиптик билим берүү окуу жайларына көмүр жеткирүү 87% (2501 тонна) аткарылган. Бардык пландаштырылган көмүрдү окуу жайларга жеткирүү 3041 тоннаны түзөт.

Министрдин орун басары көмүр даярдоо планын 2024-жылдын декабрына чейин аткарууну тапшырды.

Расул Абазбек уулу директорлорго көмүрдүн өз убагында жеткирилишин көзөмөлгө алуу; инженердик-педагогикалык кызматкерлердин жана окуучулардын маалыматтарын  https://mugalim.edu.gov.kg/ сайтында, ошондой эле кыска мөөнөттүү окуу курстары боюнча маалыматтарды https://kesip.edu.gov.kg/ сайтында толтурууну камсыз кылуу;  дуалдык окутуу боюнча программаларга анализ жүргүзүү;  WorldSkills жумушчу кесиптеринин экинчи чемпионатына даярдыкты баштоо тапшырмаларын берди.

Ошондой эле министрдин орун басары окуу жайларындагы эмгек жана аткаруучулук тартипти күчөтүүнү тапшырды.