ЧҮЙ ОБЛУСУН АКШНЫН СИЛИКОН ӨРӨӨНҮНДӨЙ КЫЛАБЫЗ

«Чүй облусунда кырктан ашык жогорку окуу жайы жайгашкан. Андыктан биз Бишкек менен Чүй облусун АКШнын Калифорния штатында жайгашкан Силикон өрөөнүндөй кылууга аракет кылышыбыз керек», — дейт КР Министрлер кабинетинин төрагасы Акылбек Жапаров Бишкекте өтүп жаткан Ректорлордун дүйнөлүк форумунда.

Силикон өрөөнү – Калифорниядагы Сан-Франциско булуңунун түштүк бөлүгү, анда көптөгөн стартаптар жана эл аралык жогорку технологиялык корпорациялар, анын ичинде Apple, Facebook жана Google баш кеңсеси жайгашкан. Жаңы технологияларды иштеп чыгуучу уюмдар Пало-Альтодогу Стэнфорд университетинин айланасында топтолгон.