“Business Case — 2024” хакатону: ишкердикти өнүктүрүүгө кадам

“Ала-Тоо” Эл аралык университети 40 жаш таланттан турган команда жана жыйырмадан ашык алдыңкы компанияларды бириктирген “Business Case 2024” хакатонун өткөрдү.

Катышуучулар атаандаштык чөйрөдө өздөрүнүн көндүмдөрүн жана креативдүү ыкмаларын колдонуу менен компаниялар берген реалдуу бизнес-кейстерди чечишти.

Иш-чараны колдогон ири компаниялардын арасында: Бакай Банк, Partner Neft, Яндекс Go, Макси Чай, Geeks, Ololo, Риха, Eco Suu, Твой Заряд, Абдыш Ата, Practicum, Kettik, iHub Academy, SunRent, Туран жана Ulush болду.

Бакай Банк жана Partner Neft өзгөчө колдоо көрсөтүп, байге фондун эки эсеге көбөйтүп, катышуучуларга чон дем-күч берди.

Мелдештин жыйынтыгында, 12 команда финалга чыгып, өз чечимдерин кесипкөй калыстар тобунун алдында сунушташты.

Хакатон бизнес көндүмдөрүн өнүктүрүү, жаштар менен алдыңкы компаниялардын ортосундагы байланышты чыңдоо, ошондой эле чыныгы бизнес үчүн инновациялык идеяларды жаратуу үчүн мыкты платформа болду.