БӨБӨКТӨР STEAM СЫНАГЫНДА КҮЧ СЫНАШТЫ

Бишкек шаарындагы №62 мектепте бала бакчанын тарбиялануучулары арасында илимий-практикалык чыгармачылыкты жана инновацияга кызыгууну жайылтууга багытталган STEAM технологиялары боюнча сынак өттү.

Үч номинация боюнча өткөн сынакка шаардык бала бакчалардын 6-7 жаштагы балдары катышты.

Натыйжада “Робочычкан” номинациясында 1-орунду №71 бала бакча, экинчи орунду №18 бала бакча жана үчүнчү орунду №49 бала бакча ээледи. Сынактын алкагындагы экинчи “Лего Мастер” номинациясы боюнча 1-орун — №64 бала бакчага, 2-орун — №61 бала бакчага жана 3-орун — №35 бала бакчага ыйгарылды.

“Мультфильм студиясында” эң мыкты деп эсептелген №18 бала бакча биринчи орунга озуп чыкты. 2-орунга — №4 бала бакча жана 3-орунга №61 бала бакчасы татыктуу болду.

Жеңүүчүлөргө баалуу сыйлыктар жана сертификаттар тапшырылды.

Кошумчалай кетсек, баш калаабыздагы 96 муниципалдык бала бакчанын 12 бала бакчасы STEAM активдүү өнүгүүдө.

Айнагүл КАШЫБАЕВА,

“Кут Билим”