“ЖАН ДҮЙНӨМДҮН КЕСИБИ” СЫНАГЫ ӨТКӨРҮЛДҮ

2-3-октябрда “Балажан” республикалык эстетикалык тарбия берүү окуу-усулдук борборунда педагогдор “Мектептен тышкаркы кошумча билим берүүнүн мыкты мугалими” аттуу республикалык кесиптик чеберчилик сынагына катышышты.

Аталган сынак катышуучуларга жөндөмдөрүн көрсөтүүгө, тажрыйба алмашууга, өспүрүмдөрдүн потенциалын өнүктүрүү үчүн жаңы методдорду сунуштоого жардам берет.

Сынак Билим берүү жана илим министрлиги, Кыргыз билим берүү академиясы, Республикалык педагогикалык кызматкерлердин квалификациясын жогорулатуу жана кайра даярдоо институтунун тарабынан Билим берүү жана илим кызматкерлеринин профсоюзунун республикалык комитетинин колдоосу менен уюштурулду.