Ысык-Көл форумуна Кытайдын залкар жазуучусу чакырылды

Кыргыз эл жазуучусу Арслан Койчиев Нобель сыйлыгынын лауреаты Мо Янь менен жолукту. Жолугушуу Мо Яндын Бээжиндеги квартирасында өттү. Мо Янь Ысык-Көл форумуна катышууга ыкласын билдирли. Бир сааттан ашуун чай үстүндө маектешүүнүн жүрүшүндө адабий кызматташуу талкууланды. Мо Янь чыгармаларынын бирин Кыргызстанда басып чыгарууга макулдугун берди.

Баса, Ысык-Көл форумуна форумуна Кытайлык бир катар залкар жазуучулар да катышууга макулдугун бергендигин Арслан Койчиев билдирди.

Президент Садыр Жапаров кеңешчиси Арслан Койчиевге Ысык-Көл форумуна эл аралык өкүлдөрдү чакырууну уюштуруу милдетин жүктөгөн эле. (КС)