СУБАЙМАКТЫК КОНФЕРЕНЦИЯ

Т.Эрматов атындагы Бишкек музыкалык педагогикалык институтунун директору, профессор Мамбетакунов У.Э. Астанада өткөн стигма менен күрөшүүдө позитивдүү коммуникация тилин колдонуу аркылуу балдардын жана өспүрүмдөрдүн психикалык саламаттыгын жана психологиялык бакубаттуулугун жакшыртуу боюнча субрегионалдык конференцияга катышты.

Кыргыз делегациясынынын атынан ошондой эле Эмгек, социалдык коргоо жана миграция министрлигинин, Маданият, маалымат, спорт жана жаштар саясаты министрлигинин жана ЮНИСЕФтин Кыргыз Республикасындагы өкүлчүлүгүнүн өкүлдөрү катышты.

Катышуучулар психологиялык бакубаттуулукту колдоо жана мектептердеги стигманын таасирин, психикалык ден соолук стигмасы менен күрөшүү үчүн куралдар; психикалык ден соолукка байланышкан позитивдүү баарлашуу тилин жайылтуу; балдарга психологиялык жардам көрсөтүүнүн негиздерин билген болочок мугалимдерди даярдоонун маанилүүлүгүн талкуулашты.

Конференциянын натыйжасы болуп ар бир катышуучу өлкө (Беларусь, Кыргызстан, Өзбекстан, Тажикстан, Түркмөнстан, Казакстан) Корутунду билдирүүгө кол коюу жана алардын балдар менен өспүрүмдөрдүн психикалык ден соолугун жана психосоциалдык бакубаттуулугун жакшыртуу боюнча милдеттенмелерин ырастоосу болду.

Конференциянын алкагында Мамбетакунов У.Э. Максим Танк атындагы Беларусь мамлекеттик педагогикалык университетинин психология институтунун директору Н.В.Дроздова  жана «Өркен» Казакстан Республикасынын Балдардын жыргалчылыгы боюнча улуттук илимий-практикалык институту» АКнын президенти Имангалиев Е.Н. менен өз ара кызматташуу маселелерин талкуулады.