ОШТУНУН ПРОФЕССОРУ ГЕРМАНИЯДА

ОшТУнун экономика жана башкаруу факультетинин деканынын милдетин аткаруучу, профессор А.К. Атабеков Германияга барып келди. Иш сапар Трир, Франкфурт-на-Майне жана Бонн шаарларындагы университет жана ишканалар ортосундагы кызматташуу тажрыйбаларын үйрөнүү максатын көздөдү.

Иш-чара GIZ эл аралык уюму тарабынан уюштурулуп, мында өнөр жай ишканалары, алдыңкы окуу жайлардын тажрыйбасы тууралуу кеңири маалыматтар берилди. Бул сапардын алкагында профессор А.К.Атабеков квалификациясын жогорулатуу менен бирге тажрыйба алмашып келди.

ОшТУнун басма сөз кызматы.