ОКУУЧУЛАР ЖАНА МУГАЛИМДЕР ҮЧҮН АНГЛИС ТИЛИ КУРСТАРЫН УЮШТУРУУ МҮМКҮНЧҮЛҮГҮ ТАЛКУУЛАНДЫ

Бүгүн, 14-июнда, билим берүү жана илим министри Каныбек Иманалиев Кыргыз Республикасынын Америка Кошмо Штаттарындагы Атайын жана Ыйгарым укуктуу элчиси Бактыбек Аманбаев, «Stirling Foundation» америкалык кайрымдуулук фондунун директору Жеффри МакГи, фонддун кызматкери Жоузи МакГи жана «Keller Capital» жетекчиси Нейт Келлер менен жолугушту.

Жолугушууда тараптар окуучулар жана мугалимдер үчүн англис тили курстарын уюштуруу, мугалимдердин квалификациясын жогорулатуу жаатында кызматташууну талкуулашты.