МУЗЫКАЛЫК МЕКТЕПТИН АЛДЫҢКЫЛАРЫ

Нарын облусунун Ак-Талаа районундагы Баетов айылынан төрт окуучу облустук сынакта алдыңкы орундарды камсыздашты.

Нурак Абдырахманов атындагы балдар музыкалык мектебинин директору Венера Артыкбаеванын айтымында, Жумгал районунун Миң-Куш шаарчасында облустук деңгээлдеги «Жаш музыкант — 2024» сынагы өткөрүлүп, ага жалпысынан Нарын облусу боюнча тогуз музыкалык мектептен 85 окуучу катышкан. Анын ичинен Нурак Абдырахманов атындагы балдар музыкалык мектебинен 10 окуучу катышкан.

Жыйынтыгында баян тартуу боюнча Медер Таштанбеков 1-орунду, аккордеондон Улара Бектурсунова 1-орунду, комуз чертүү боюнча Айтумар Балтабаева 3-орунду, үйлөмө аспап боюнча Чомон Сагыналиев 2-орунду ээлеп, байгелүү кайтышты.

Гүлнара АЛЫБАЕВА, “Кут Билим”