“ӨМҮР БАРАГЫ” КИТЕБИНИН БЕТ АЧААРЫ

17-октябрда техника илимдеринин доктору, профессор Сагын Жекишованын илимий-педогогикалык, ойлоп табуучулук ишмердигинин 50 жылдыгына арналган “Өмүр барагы” аттуу китебинин бет ачары болуп өттү.

Иш-чараны Кыргызпатенттин статс-катчысы И. Мойдинов ачып берип, С. Жекишованын илимий-чыгармачылыгына ийгиликтерди каалады. Катышуучулар ойлоп табуучунун эмгектерин чагылдырган көргөзмөгө күбө болушту.

Интеллектуалдык менчиктин бүткүл дүйнөлүк уюмунун «Ойлоп табуучулук үчүн» , Евразия патенттик уюмунун В. Блинников атындагы, ЮНЕСКОнун “Илимге кошкон зор салымы үчүн” алтын медалдарынын ээси С. Жекишованын илимий-чыгармачылыгын баяндаган “Өмүр барагы” китеби Кыргызпатенттин каржылоосу менен жарык көргөн.

Г.А., “КБ”