СТУДЕНТТЕР ФИНАНСЫЛЫК КООПСУЗДУК БОЮНЧА ЭЛ АРАЛЫК ОЛИМПИАДАДА ЖЕҢҮҮЧҮ БОЛУШТУ

Кыргыз-Россия Славян университетинин студенттери Россияда өткөрүлгөн финансылык коопсуздук боюнча эл аралык олимпиадада байгелүү орунду ээлешти. КРСУнун Юридикалык факультетинин магистратура программасынын II курсунун студенти Сезим Кубанычбекова “Эл аралык мамилелер” багыты боюнча I орунду ээледи. Ал эми экономика факультетинин IV курсунун студенти Айназик Мамаева “Экономика” багыты боюнча жеңүүчү болушту. Алар I даражадагы диплом менен сыйланышты.

Олимпиада 30-сентябрдан 4-октябрга чейин Россия Федерациясынын “Сириус” федералдык аймагында өткөрүлгөн.

Финалга 36 өлкөдөн 600гө жакын катышуучу чыгып, анын ичинен 166 окуучу жана студент жеңүүчү аталып, байгелүү орундарга ээ болду.