КЫРГЫЗСТАНДЫК ОКУУЧУЛАР КИБЕРКООПСУЗДУК БОЮНЧА ЖАЙКЫ МЕКТЕПКЕ КАТЫШУУДА

Кыргызстандык 5 окуучу Азербайжандын Баку шаарында өтүп жаткан “Cyber Summer School – 2023” жайкы мектебине катышууда.

Жайкы мектепке катышып жаткан кыргызстандык окуучулар:

— Мальвина Апиева, Баткен облусу, Ж.Бөкөнбаев атындагы орто мектеби;

— Алихан Муратов, Ысык-Көл облусу, С.Каралаев атындагы №6 орто мектеби;

— Темирбек Закирбеков, Бишкек шаары, №67 мектеп-гимназия окуу-тарбия комплекси;

— Ариет Камутов, Бишкек шаары, “Маариф” билим берүү комплекси;

— Наиля Турдубаева, Жалал-Абад облусу, “Билимкана-Кербен” мектеби.

24-июлдан 29-июлга чейин жайкы мектепке Түркия, Израил, Азербайжан, Кыргызстан, Казакстан жана Өзбекстандан 125 окуучу катышууда.

“Cyber Summer School – 2023” жайкы мектеби – бул катышуучуларга тренингдерди, технологиялык турларды жана киберкоопсуздук боюнча викториналарды сунуштаган жыл сайын өтүүчү иш-чара.

Жайкы мектепке англис тилин билген, маалыматтык технологиялар боюнча керектүү билимдери бар жана сынактан өткөн12-16 жаштагы өспүрүмдөр катыша алат.

Белгилей кетсек, жайкы мектеп Азербайжандын Киберкоопсуздук уюмдарынын Ассоциациясы тарабынан мектеп окуучулары жана өспүрүмдөр үчүн уюштурулган.