3-4 жылда бакчага баргандар жалпы балдардын 80% түзүүсү керек — Касымалиев

Кыргызстанда 3-4 жылда бакчага барган балдар жалпы наристелердин 80% түзүүсү керек. Бул тууралуу министрлер кабинетинин төрагасы Адылбек Касымалиев Бишкек шаардык мэриясынын коллегиясында билдирди.

Анын айтымында, учурда бала бакчага барган балдар 44,3 пайызды түзүүдө. Буга чейин бул көрсөткүч 26% болгон.

«Балдардын бала бакчага баруусун камтуу боюнча иштер Бишкек шаарында жакшы жүрүп жатат. Ушул иштерди дагы да улантуу зарыл. 3-4 жылда бакчага барган балдар жалпы наристелердин 80% түзүүсү керек», — деди Адылбек Касымалиев.

Ошондой эле минкаб төрагасы балдардын коопсуздугу үчүн менчигинин түрүнө карабастан бардык бала бакчаларда видеобайкоо камераларын коюу иштерин жүргүзүү керектигин белгиледи.

Айдана МАМАТБЕРДИЕВА,

«Кут Билим»