КУУга БИР КҮНДӨ 1075 АБИТУРИЕНТ КАТТАЛДЫ

Учурда абитуриенттерди кабыл алуунун 2-күнү кызуу жүрүүдө. Абитуриенттер өтүнмөлөрдү жана документтерди “Абитуриент онлайн” электрондук автоматташтырылган маалыматтык  системасы https://2020.edu.gov.kg/vuz  аркылуу онлайн форматта тапшырууда.

Ж. Баласагын атындагы Кыргыз улуттук университетинин кабыл алуу комиссиясынын жооптуу катчысы Изат Усеновдун айтымында, кабыл алуунун I-күнүндө бюджеттик орунга 375, контракттык негиздеги окууга 1700 абитуриент катталды.

Аталган окуу жай быйыл 62 багыт боюнча бакалаврга, беш багыт боюнча адистикке, магистратурага 50 багыт боюнча, 11 профил боюнча PhD докторантурага, 15 адистик боюнча колледждерге кабыл алат.

Айгерим ТОКТОБАЕВА, «Кут БИЛИМ»