«КИТЕП СААТЫ» ДОЛБООРУ

№32 Бекназар атындагы жалпы орто билим берүүчү мектебинин 2-класстын окуучулары үчүн «Тоо балдары» коомдук фонду тарабынан  «Китеп сааты» долбоорунун алкагында,  айылдын чыгаан уулу Советбек Назаралиев агайдын демилгеси менен ар бир балага жомок китептер берилди.

Бул долбоордун максаты — 2-класстын окуучуларына өз алдынча китеп окутуу жана андан ары өнүктүрүү.

Бул долбоор төмөнкүлөрдү эске алат:  берилген китептерди толук жана таза кармоо; чейрек сайын берилген жомок китептерди балдарга таркатуу; чейрек жаңырганда мурунку чейректе берилген китептерди алып, жаңы келген жомок китептерге алмаштырып берүү; активдүү катышкан окуучуларга белектерди берүү.

Эске салсак  бул долбоор ушул жылдын 15-сентябрь күнү ишке кирген. Ошол күнү 1-чейрек үчүн жомок китептер берилген.

Г.А., “КБ”