КАРА-КӨЛДӨГҮ МЕКТЕПТЕ ЭНЕЛЕР ТАРБИЯЛЫК САБАК ОКУШТУ

Жалал-Абад областындагы Кара-Көл шаарында башталгыч класстарында «Мыкты эне», » Чон эне жана небере», Келгиле, окуйбуз” деген аталыштагы сабактар жана мелдештер ар бир класста өткөрүлүп турат.

31-январда башталгыч класс мугалими Эгизбаева У.К. 1- «а» класстагы окуучулардын энелерине «Энелер мектебинин максаты жана мааниси» деген темада сабак өттү. Энелер топторго бөлүнүп, балдарды тарбиялоонун жолдорун талкуулашты. Практика жүзүндө көңдүмдөрдү, көнүгүүлөрдү аткарышты.

16-февралда башталгыч класс мугалими Токтосунова Бурулсун 2- «в» класстын окуучуларынын энелерине » Энелер мектеби- ийгиликке жетүүнүн ачкычы» деген темада сабак өттү. Окуучулардын «Эненин мээрими» деген темада энелерине жазган каалоосу, сүйүүсү айтылып, энелердин жүрөгү жибип, көздөрүнө жаш айланды.

Энелерге бала тарбиялоодогу сегиз  катачылык видео аркылуу көрсөтүлүп, талкууга алынды.

Башталгыч класстардын окуу — тарбия иштери боюнча директордун орун басары Эгизбаева У.К. эне аркылуу баланын сабакка болгон мамилеси, жүрүм- туруму калыптанат, өнүгөт дейт.