ИЗАТ ЭЖЕЙДИН ИЙГИЛИГИ

Жалал-Абад облусуна караштуу Кара-Көл шаарындагы «Баластан» балдар бакчасынын тарбиячысы Изат Бекташова  «Жылдын мыкты тарбиячысы – 2023» сынагынын  облустук турунда 11 талапкердин ичинен 2-орунду багындырды.

«Мыкты тарбиячы- 2023″областтык кароо сынагы Сузак районундагы  «Шумкар» балдар бакчасында  өткөрүлдү. Талапкерлер презентация жасоо, эссе жазуу, сабактын иштелмеси, күтүлбөгөн суроолорго жооп берүү, санарип сабак өтүү тапшырмаларын аткарышты. Жыйынтыгында 11 тарбиячынын ичинен  Бекташова Изат 2-орунду  ээлеп,  диплом  жана Жалалабад курортуна 15000 сомдук сертификат жолдомосу менен сыйланды.
Кароо-сынакта жылдызы жанган тарбиячы эмгектенген «Баластан» бала бакчасын  Гүлмира Жоробекова жетектейт.

Тилен ОРОЗОВА, Кара-Көл шаардык билим берүү бөлүмүнүн адиси