ИНСАНГА БАГЫТТАЛГАН ДИЗАЙН ОЙ ЖҮГҮРТҮҮ ЫКМАСЫН МЕКТЕП ПРАКТИКАСЫНА ИНТЕГРАЦИЯЛОО

Мектептер-2030

8—12-декабрь күндөрү Агартуу министрлиги менен бирдикте Мектептер-2030 долбоору  Ош, Нарын, Чүй облустарында жана Бишкек шаарында программалык мектептер үчүн бир күндүк аймактык тренингди ийгиликтүү өткөрдү.

Тренингдерге мектеп директорлору, дизайн топтор жана билим берүү бөлүмдөрүнүн өкүлдөрү катышып, Мектептер2030 программасы жана Кыргыз Билим берүү академиясы иштеп чыккан “Мыкты 10 чечим” менен таанышты.

— Катышуучулар 2025–2026-окуу жылына карата өз мектебинин контекстине жана окуучулардын муктаждыктарына ылайык бир чечимди тандап, аны ишке ашыруу боюнча алдын-ала иш-аракеттер планын түзүштү. Тандалган чечимдер мамлекеттик артыкчылыктарга, предметтик стандарттарга, STEM билим берүүнү өнүктүрүү жана функционалдык сабаттуулукту калыптандыруу боюнча багыттарга шайкеш келип, «Алтын Казык» мамлекеттик программасынын максаттарына жооп берет, — дейт Назгуль Курманбекова, MSDSP KG Коомдук Фондунун Билим берүү программасынын координатору.

Инсанга багытталган дизайн ой жүгүртүү ыкмасы аркылуу катышуучулар окуу чөйрөсүнүн приоритеттерин аныктап, окуучулардын академиялык жана жушмак (soft skills) көндүмдөрүн өнүктүрүүгө багытталган чечимдерди мектеп практикасына интеграциялоо жолдорун талкуулашты.

Гүлнара АЛЫБАЕВА, “Кут Билим”

akf_kyrgyzstan

_schools2030