ЭЛ АРАЛЫК КЫЗМАТТАШУУ УЛАНУУДА

Ош технологиялык университетинин окуу иштери боюнча проректору, профессор У.Ж.Мамытов жетектеген делегация Өзбекстандагы И.Каримов атындагы Ташкент мамлекеттик техникалык университетине окуу жайлар аралык түзүлгөн келишимдин негизинде атайын иш сапары менен барып келди.

Жолугушууда эки тараптуу кызматташтыкты арттыруу, академиялык мобилдүүлүктү профессордук-окутуучулук курам менен бирге студенттерге дагы күчөтүү, окуу жайлар аралык илимпоздор менен биргелешкен илимий изилдөөлөрдү жүргүзүү, биргелешкен билим берүү программаларын ишке ашыруу боюнча маселелер талкууланды.

ОшТУнун делегациясы аталган университеттин материалдык-техникалык базасы жана бүгүнкү күндөгү ишмердүүлүгү менен таанышып чыгышты.

Ош технологиялык университети менен И.Каримов атындагы Ташкент мамлекеттик техникалык университети буга чейин дагы тыгыз байланышта иш алып барып келген.

ОшТУнун басма сөз кызматы.